द न्युट्रल व्ह्यु पाक्षिकाचा मराठी अंक “येवा कोकणात” लोक सेवेत दाखल झाला आहे. या पाक्षिकाच्या कोकण कार्यालयाचे उदघाटन महाराष्ट्र राज्यातले धडाडीचे आमदार नितेश राणे यांच्या हस्ते कणकवली येथे रविवार ३ सप्टेबर रोजी सकाळी ९.३० वाजता होणार आहे.
स्वाभिमान संघटनेच्या माध्यमातून संपूर्ण महाराष्ट्र राज्यात कार्यरत असलेले आमदार नितेश राणे काँग्रेस पक्षाचे आमदार म्हणून कणकवली देवगड विधानसभा मतदारसंघाचे प्रतिनिधित्व करतात. अलीकडेच राज्यात गाजलेल्या अभूतपूर्व मराठा क्रांती मोर्चा चे खंदे नेतृत्व मानले जाते. कोकणातील किंबहुना राज्यातील कमी वयाचा लोकप्रिय नेता म्हणून त्यांची ओळख आहे.
“येवा कोकणात” या पाक्षिकाचे कणकवली येथे अशोका रेसिडेन्सी, अरोमा हॉटेल बिल्डींग, नरडवे रोड, शिवाजी नगर येथे कोकण विभागीय कार्यालय सुरु होत आहे आणि या कार्यालयाचे रविवारदिनांक ३ सप्टेबर रोजी सकाळी ९.३० वाजता उदघाटन होत आहे. यावेळी आमदार नितेश राणे यांच्या समवेत जिल्हा बँकेचे अध्यक्ष सतीश सावंत, जिल्हापरिषदेच्या महिला बालकल्याण सभापती सायली सावंत, कणकवली पंचायत समितीच्या सभापती भाग्यलक्ष्मी साटम, पंचायत समिती सदस्य मिलिंद मेस्त्री, गणेश तांबे, सूचित दळवी आदी मान्यवर उपस्थित राहणार आहेत.
