अखिल भारतीय श्री जैन श्वेतांबर युवक महासंघाची आज रविवारी नेहरू स्टेडियम जवळील दादावादी जैन मंदिराच्या अहिंसा भवन मध्ये राष्ट्रीय पातळीवरील बैठक आयोजित करण्यात आली होती. या बैठकीस देशभरातील जैन समाजातील विविध मंदिरे, व अन्य संस्थाचे पदाधिकारी, विश्वस्त , पुणे शहरातील जैन मंदिरे व संस्थांचे पदाधिकारी उपस्थित होते. या बैठकीपूर्वी युवक महासंघाच्या पुणे शाखेचे अध्यक्ष सतीश शहा व पुन्हा हॉस्पिटलचे संचालक देविचंद जैन यांच्या हस्ते सिनघी यांचा पुणेरी पगडी, माळ, मानपत्र देऊन खास सन्मान करण्यात आला. याप्रसंगी प्रसिद्ध वकील एस . के . जैन, ओमप्रकाश रांका , अचल जैन, राष्ट्रीय अध्यक्ष हरिशभाई सहा, संपत जैन, सुनील जैन , विनोद बलदोटा , आदी मान्यवर उपस्थित होते.
सुनील सीनघी यावेळी म्हणाले कि, केंद्रसरकारतर्फे यापूर्वी 2014 मध्ये जनगणना करण्यात आली. त्यावेळी जैन समाजाची लोकसंख्या कमी असल्याचे आढळले. त्यामागे काही कारणे आहेत. आता आपल्याला पुन्हा जनगणना करावी लागणार आहे. जैन समाज एक पुढारलेला समाज आहे. परंतु याही समाजात अनेक गरीब लोक आहेत. त्यांच्याही अनेक समस्या आहेत. या समस्या सोडविण्यासाठी प्रयत्न चालू आहेत. त्यासाठी आपण लवकरच देशभर केंद्र सरकार व अल्पसंख्याक आयोगातर्फे अनेक गावे व शहरामध्ये जनसुनवाई घेणार आहे या जनसुनवाईत अतिक्रमणे, वाहतूक, शिक्षण सामाजिक आदी समस्या दूर करण्याविषयी प्रयत्न केले जाणार आहेत. पुण्यात हि घेतली जाणार आहे. .
अल्पसंख्याक आयोगातर्फे विविध योजना राबविल्या जात आहेत. त्याचा प्रसार करून लाभार्थीना लाभ कसा घेता येईल याची माहिती त्यांनी आपल्या भाषणात दिली.
सतीश शाह यांनी प्रास्ताविक केले. संपत जैन यांनी सूत्रसंचालन केले. सचिव ललित गुंदेचा यांनी उपस्थितांचे आभार मानले.
