पुणे – आपल्या सुरेल गायकीने युवापिढीत अभिजात शास्त्रीय संगीताची गोडी निर्माण करणाऱ्या सुप्रसिद्ध गायक राहुल देशपांडे यांच्या मैफलीचे सुरेखा कम्युनिकेशन्स प्रा. लितर्फे आयोजन करण्यात आले आहे. येत्या ८ तारखेला (रविवारी) सायंकाळी ६.३० वाजता राजाराम पुलाजवळील महालक्ष्मी लॉन्स येथे ही मैफल रंगेल.

‘राहुल देशपांडे लाईव्ह’ या कार्यक्रमाच्या माध्यमातून राहुल देशपांडे हे शास्त्रीय, उपशास्त्रीय व भजन या संगीत प्रकारातील गायन रसिक पुणेकरांसमोर सादर करणार आहेत. राहुल देशपांडे यांच्याद्वारे सादर होणारे इंग्रजी गीत हे या कार्यक्रमाचे प्रमुख आकर्षण ठरेल. रांका ज्वेलर्स या कार्यक्रमाचे मुख्य प्रायोजक असून एकबोटे फर्निचर व निरामय वेलनेस सेंटर हे सह प्रायोजक आहेत. तर व्हीजीए डिजीटल प्रिंटर्स यांनी हे कार्यक्रमाचे प्रिंटींग पाटर्नर आहेत.

‘राहुल देशपांडे लाईव्ह’ या कार्यक्रमासाठी 1500 रुपये (सोफा), 300 रुपये व 200 रुपये (खुर्ची) अशा देणगी प्रवेशिका आहेत. प्रवेशिका रांका ज्वेलर्सच्या सिंहगड रस्ता व लक्ष्मी रस्ता तसेच यशवंतराव चव्हाण नाट्यगृह  येथे उपलब्ध आहेत. खास रसिकांच्या सोयीसाठी www.ticketexpress.in या संकेतस्थळावरही कार्यक्रमाच्या प्रवेशिका उपलब्ध करून देण्यात आल्या आहेत.