पुणे – सोनियाचा पाळणा रेशमाची दोरी…मधोमध निजला बाळ श्रीहरी म्हणत बरोबर १२ वाजता पाळणा हलवून अखिल मंडई मंडळात गणेशजन्म सोहळा साजरा करण्यात आला. गणेशजन्मानिमित्त मंदिरात आकर्षक फुलांची आरास करण्यात आली होती. शारदा गजाननाचे विलोभनीय रुप डोळ््यात साठविण्याकरीता गणेशभक्तांनी अलोट गर्दी केली होती.
सकाळी ७ वाजता योगेश निकम, निलेश अग्रवाल, नवगिरे, प्रणव मलभारे यांच्या हस्ते मूर्तीला अभिषेक करण्यात आला. त्यानंतर दुपारी २ वाजता सुरज थोरात यांच्या हस्ते गणेशयाग करण्यात आला. यावेळी अखिल मंडइई मंडळाचे अध्यक्ष अण्णा थोरात, खजिनदार संजय मते, विश्वास भोर, दादा मोरे,नारायण चांदणे यावेळी उपस्थित होते.
अण्णा थोरात म्हणाले, अखिल मंडई मंडळामध्ये दरवर्षीप्रमाणे यंदाही पारंपरिकरित्या गणेशजन्म सोहळा साजरा करण्यात आला. १८९४ साली स्थापन झालेले अखिल मंडई मंडळ आज शतकोत्तर रौप्य महोत्सवी वर्षात पदार्पण करीत आहे. कष्टकºयांचा गणपती म्हणून अखिल मंडई मंडळाच्या गणपतीची ओळख आहे. त्यामुळे हे शतकोत्तर रौप्य महोत्सवी वर्ष सर्वांना सामावून घेऊन साजरा करण्यात येणार आहे.
